ALBATROS AQUA PARK

Локација
Хотелот се наоѓа на околу 15 километри од центарот на Хургада и на околу 7 километри од аеродромот.

Општи информации
Хотелот е отворен во 2000 година и е дел од познатиот синџир хотели Pickalbatros. Се наоѓа зад хотелот  Beach Albatros, кој е одвоен од улицата. Се состои од трикатни згради и нуди 296 соби. На гостите им е на располагање аква парк како и голем избор на активности за деца и стари лица, неколку ресторани и барови.
За деца има детски клуб (4-12 години), игралиште (едно во Аква паркот Албатрос и едно во хотелот Албатрос Аква Виста), базени, аква парк.

Плажа
Хотелот ја користи плажата на хотелот Beach Albatros, која е оддалечена околу 500 метри и до која има редовен шатл. Плажата има мал дел со корален гребен, кој привлекува голем број љубители на подводниот свет, а најголемиот дел од плажата е песочен. Во цената се вклучени чадори, лежалки и пешкири за плажа.

Сместување
Хотелот располага со 296 соби и сите имаат клима, сателитска ТВ, мини бар, сеф, балкон/тераса, фен, Wi-Fi интернет. Мини барот се дополнува со флаширана вода еднаш дневно.
Стандардните соби се со големина од околу 32м2 и можат да имаат поглед на базенот или градината.
Семејните соби се со големина од околу 46м2 и можат да имаат поглед кон базенот или градината, составени се од две соби.

Содржини
Услугата во хотелот е All Inclusive - појадок, доцен појадок, ручек и вечера (самопослужување - избор на повеќе јадења по хотелски правила) во главниот ресторан Медитеран. Хотелот ги нуди италијанскиот ресторан Alfredo и азиски ресторан Mandarin, како и неколку барови - Columbus Bar, Olympus Pool Bar, Sports Bar, Reds Sky Bar (во одморалиштето Beach Albatros) и диско (во хотелот Aqua Blu). Концептот вклучува и закуски, сладолед (во Food Court во хотелот Aqua Blu), локални алкохолни и безалкохолни пијалоци.